انا قلت احبه وربنا يكرم فيه
طلع انيل من اللي قلبه وطلعت روحي عليه
هو الحب دايما كده ياقلبي ولا ديه فره وماشيه فيه
حب ايه ياختي اتوكسي اللي جايه تدوري عليه
احنا بقينا في زمن الموزز والنت واللي بالك فيه
كله بيبوس الواو وانتي قاعده عندك بتعملي ايه
الحب دلوقتي تيك واي علي زيرو تسعومايه تلاقيه
او خشي الفايس بوك شويه وانتي تلاقي الحبيبه راشقه فيه
كله كلام اغاني وافلام وقابليني لو في الحقيقه لقيتيه
شوفيلك عريس ابن حلال وبايدك واسنانك امسكي فيه
ماكله بيضحك علي كله يبقا هتغلبي نفسك علي ايه
قومي يابنتي الله يهديكي وراكي غسيل انشريه
صحيح ياقلبي الحب في زمنا ده صعب تلاقيه
كله بيحب في كله طب في الاخر مابيتجوزوش ليه
هو يقولها بحبك بس انا ابن ستين في سبعين تظلمي نفسك ليه
وهي تقوله بحبك بس بابا جايبلي عريس لازم اوافق عليه
يا اخوانا هي العالم ديه كانت متنيمه تنويم تغطاطيسي ولا ايه
امال فين هدغدغ واكسر وابصر ايه
لما انتوا مش اد الحب بتظلموا الحب معاكوا ليه
كله بيضحك علي كله وانا جايه ادور علي ايه
مبدهاش بقا ياقلبي انشر الغسيل احسن ماما تصحي تهزأني عليه
« آخـــر الـــمـــشـــاركــــات »
الإهداءات
midoo 
انا ..ولا قلبى ....ولا الغسيل
رد: انا ..ولا قلبى ....ولا الغسيل
العرض العادي
